𝚂𝙴𝙷𝙾 𝚂𝙴𝙷𝙰𝚃𝚁𝙰 𝚂𝚈 𝙵𝙰𝙽𝙾𝙻𝙾𝚁𝙰𝙽𝙰 𝙼𝙰𝚁𝙸-𝙱𝙾𝙽𝙸𝙽𝙰𝙷𝙸𝚃𝚁𝙰 𝙰𝙽’𝙸 𝙵𝙰𝙽𝙰𝙸𝙺𝚈, 𝙰𝙽𝙳𝚁𝙰𝚁𝙴𝚉𝙸𝙽’𝙽𝚈 𝙹𝙰𝚉𝚉 𝙼𝙰𝙻𝙰𝙶𝙰𝚂𝚈 

Notanterahina omaly hariva tetsy amin’ny Ivokolo Analakely ny seho sehatra nokarakarain’ny 𝕄𝕚𝕟𝕚𝕤𝕚𝕥𝕖𝕣𝕒𝕟’𝕟𝕪 𝕊𝕖𝕣𝕒𝕤𝕖𝕣𝕒 𝕤𝕪 𝕟𝕪 𝕂𝕠𝕝𝕠𝕟𝕥𝕤𝕒𝕚𝕟𝕒 amin’ny alalan’ny OFNAC ho fankalazana ny faha-35 taona niakaran’i 𝔽𝔸ℕ𝔸𝕀𝕂𝕐 an-tsehatra, hetsika natao ihany koa hanampiana azy amin’ny fitsaboan-tena izay mbola ataony.

Nomen’ny Minisitera azy maimaim-poana araka izany ny Ivokolo ho an’ity hetsika fanohanana azy ity.

Nandritra io lanonana io no nanondrotana an’i 𝔽𝔸ℕ𝔸𝕀𝕂𝕐 na i RASOLOMAHATRATRA Ny Herivelona Fanaiky amin’ny laharam-boninahitra Commandeur de l’Ordre des Arts, des Lettres et de la Culture, Ramatoa Lalatiana ANDRIATONGARIVO izay Filohan’ny Filan-kevi-pirenen’ny mari-boninahitry ny kanto, ny soratra ary ny kolontsaina amin’ny maha-Minisitra misahana ny Kolontsaina azy no nanolotra izany.

Ny 𝚐𝚒𝚝𝚊𝚛𝚊 𝚋𝚎𝚜𝚘 no tena nahalalana an’i Fanaiky ary isan’ireo andrarezin’ny jazz malagasy izy.

Efa nitondra avo ny mozika malagasy tany Afrika, Eoropa ary Amerika i Fanaiky.