𝕋𝕍𝕄 -ℝℕ𝕄 π•„π”Έβ„π•†π”Έβ„•π•‹π•Šπ”Όπ•‹β„π”Έ NAHAZO FITAOVANA VAOVAO SY MAODERINA

Tafiditra ao anatin’ny fandaharam-potoanan’ny delegasiona tarihin-dRamatoa Minisitra Lalatiana Rakotondrazafy ANDRIATONGARIVO any Maroantsetra ny fanolorana ireo karazana fitaovana samihafa entina manatsara ny kalitaon’ny tolotra omen’ny TVM sy ny RNM any an-toerana.

Tahaka ny efa natao tany amin’ny Faritra maro, tsy nanadino an’i Maroantsetra amin’ny fampisitrahana fitaovana manaram-penitra sy arifomba tahaka izao ny Minisitera mpiahy.

Fitaovana vaovao, manaraka ny fivoaran’ny teknolojia moderina no natolotra tamin’izany toy ny Γ©metteur fahitalavitra, izay tsy ho ela dia hiasa satria efa any na-toerana ireo teknisiana amin’ny fametahana izany, π™ΌΓ©πš•πšŠπš—πšπšŽπšžπš› πšŸπš’πšπšŽπš˜, π™Ύπš—πšπšžπš•πšŽπšžπš›, π™²πšŠπš–πšŽπš›πšŠ, πš•πšŽπšŒπšπšŽπšžπš› 𝚍𝚟𝚍, πšƒπšŠπš‹πš•πšŽ 𝚍𝚎 πš–πš’πš‘πšŠπšπšŽ πšŠπšžπšπš’πš˜, moniteur vidΓ©o, πšπš’πšŒπšπšŠπš™πš‘πš˜πš—πšŽ, πš•πšŽπšŒπšπšŽπšžπš› π™³π™Έπš…πš‡, π™Όπš’πšŒπš›πš˜πš™πš‘πš˜πš—πšŽ.

Manomboka izao dia afaka ma ao famokarana fandaharana anatiny (Γ©mission locale) ny haino aman-jerim-panjakana ao Maroantsetra, amin’ny alalan’ireto fitaovana vaovao ireto.

Nanantitrantitra hatrany Ramatoa Minisitra nandritra ny fanolorana ireo fitaovana ireo ho an’ireo mpiara-miasa, ny mba tokony hanajana sy hikolokoloana izany amin’ny maha fananam-panjaka azy.

Tsiahivina hatrany fa tafiditra rahateo ao anatin’ny fanamby apetraky ny Minisiteran’ny Serasera sy ny Kolontsaina ny fijerena ny fomba rehetra hanampiana ireo haino aman-jerim-pirenena manerana ny Nosy.