𝙸𝙷𝙾𝚂𝚈-𝙵𝙰𝚁𝙸𝚃𝚁𝙰 𝙸𝙷𝙾𝚁𝙾𝙼𝙱𝙴 | ℕ𝕒𝕙𝕒𝕫𝕠 𝕚𝕧𝕠-𝕥𝕠𝕖𝕣𝕒𝕟𝕒 𝕗𝕚𝕜𝕠𝕥𝕣𝕖𝕙𝕚𝕟𝕒 𝕠𝕣𝕚𝕟𝕒𝕤𝕒 𝕒𝕣𝕒-𝕜𝕠𝕝𝕠𝕟𝕥𝕤𝕒𝕚𝕟𝕒 𝕙𝕠 𝕒𝕟’𝕟𝕪 𝕥𝕒𝕟𝕠𝕣𝕒 

𝙸𝙷𝙾𝚂𝚈-𝙵𝙰𝚁𝙸𝚃𝚁𝙰 𝙸𝙷𝙾𝚁𝙾𝙼𝙱𝙴 | ℕ𝕒𝕙𝕒𝕫𝕠 𝕚𝕧𝕠-𝕥𝕠𝕖𝕣𝕒𝕟𝕒 𝕗𝕚𝕜𝕠𝕥𝕣𝕖𝕙𝕚𝕟𝕒 𝕠𝕣𝕚𝕟𝕒𝕤𝕒 𝕒𝕣𝕒-𝕜𝕠𝕝𝕠𝕟𝕥𝕤𝕒𝕚𝕟𝕒 𝕙𝕠 𝕒𝕟’𝕟𝕪 𝕥𝕒𝕟𝕠𝕣𝕒

Ho afaka hisitraka avy hatrany ny famatsiam-bola avy amin’ny fandaharan’asa FIHARIANA eo anivon’ny fiadidiana ny Repoblika ny tanora avy mandalo fikotrehana ao amin’ny Ivotoeram-pikotrehana orinasa momba ny kolontsaina sy ny indostrian’ny famoronana (Centre d’incubation en entrepreneuriat culturel et industrie créative) ka mandresy lahatra ny tetik’asa fananganana orinasa izay entiny, io no vaovao lehibe nambaran’ny 𝔽𝕚𝕝𝕠𝕙𝕒𝕟’𝕟𝕪 ℝ𝕖𝕡𝕠𝕓𝕝𝕚𝕜𝕒 𝔸𝕟𝕕𝕣𝕪 ℝ𝔸𝕁𝕆𝔼𝕃𝕀ℕ𝔸 raha nitokana ny « Centre d’incubation » tao Ihosy, Ihorombe izy androany tolakandro, niaraka tamin-dRamatoa 𝕄𝕚𝕟𝕚𝕤𝕚𝕥𝕣𝕪 𝕟𝕪 𝕊𝕖𝕣𝕒𝕤𝕖𝕣𝕒 𝕤𝕪 𝕟𝕪 𝕂𝕠𝕝𝕠𝕟𝕥𝕤𝕒𝕚𝕟𝕒 𝕃𝕒𝕝𝕒𝕥𝕚𝕒𝕟𝕒 ℝ𝕒𝕜𝕠𝕥𝕠𝕟𝕕𝕣𝕒𝕫𝕒𝕗𝕪 𝔸ℕ𝔻ℝ𝕀𝔸𝕋𝕆ℕ𝔾𝔸ℝ𝕀𝕍𝕆.

Ny Ivotoeram-pikotrehana orinasa momba ny kolontsaina sy ny indostrian’ny famoronana (Centre d’incubation en entrepreneuriat culturel et industrie créative) dia toerana ahafahan’ny tanora manan-talenta ara-kolontsaina na ara-javakanto na manana hevitra famoronana eo amin’ny sehatry ny kolontsaina, zavakanto na serasera ihany koa, mahazo fiofanana isan-karazany, torolalana sy torohay mba ahafahany mamadika izany talenta na hevitra izany ho tetikasa fananganana orinasa (𝚜𝚝𝚊𝚛𝚝-𝚞𝚙).

Olana hatramin’izay ny tsy fahampian’ny tosika ho an’ny tanora manana faniriana hamorona ny orinasany manokana, na amin’ny sehatra inona izany na amin’ny sehatra inona, ka izany no antony hitondran’ny fitondram-panjakana tantsoroka ho azy ireo, amin’ny alalan’ny Minisiteran’ny Serasera sy ny Kolontsaina, nametraka ity ivo-toerana ity.

Tahaka ny amin’ny Ivotoerana hafa efa misokatra dia hisy ny fampiofanana omen’ireo matihanina amin’ny sehatry ny fandraharahana ho an’ireo tanora ireo, toy ny tari-dalana amin’ny fananganana ny orinasa, ny fomba fitantanana orinasa (gestion d’entreprise), ny fikirakiram-bolan’ny orinasa (comptabilité et finances d’entreprise), ny famolavolana ny atao hoe « 𝚋𝚞𝚜𝚒𝚗𝚎𝚜𝚜 𝚙𝚕𝚊𝚗 », fitadiavana lalam-barotra, ny fitantanana mpiasa (gestion des ressources humaines), ny « marketing », sy ny maro hafa.

Maimaim-poana avokoa ny fisitrahana ny tolotra rehetra ao amin’ny « 𝚌𝚎𝚗𝚝𝚛𝚎 𝚍’𝚒𝚗𝚌𝚞𝚋𝚊𝚝𝚒𝚘𝚗 », hoy Ramatoa Minisitra Lalatiana Rakotondrazafy ANDRIATONGARIVO, mba hanatratrana ny tanjona apetraky ny fitondram-panjakana amin’ny fanofanana ny tanora hanamorana ny fampananana asa.

Ity eto 𝔸𝕟𝕜𝕚𝕝𝕪 𝕀ℍ𝕆𝕊𝕐 ity no « 𝚌𝚎𝚗𝚝𝚛𝚎 𝚍’𝚒𝚗𝚌𝚞𝚋𝚊𝚝𝚒𝚘𝚗 » fahatelo apetraka eto Madagasikara taorian’ny Toamasina sy Antananarivo.

Enina hafa ihany koa no eo an-dalam-pahavitana.

#centre_d_incubation

#Ihosy #Ihorombe

#Minisiteran_ny_serasera_sy_ny_kolontsaina