πšƒπ™°π™Άπ™½π™°π™Όπ™°πšπ™Ύ 𝟷5 𝙹olay 𝟸𝟢𝟸𝟸 Ity no andiany faha-7 π™³π™Έπš‚πšƒπšπ™Έπ™Ίπ™° π™Όπ™°π™½π™Ήπ™°π™Ίπ™°π™½π™³πšπ™Έπ™°π™½π™°

πšƒπ™°π™Άπ™½π™°π™Όπ™°πšπ™Ύ 𝟷5 𝙹olay 𝟸𝟢𝟸𝟸 Ity no andiany faha-7 π™³π™Έπš‚πšƒπšπ™Έπ™Ίπ™° π™Όπ™°π™½π™Ήπ™°π™Ίπ™°π™½π™³πšπ™Έπ™°π™½π™°.

Raha hanao tamberina kely isika, noho ny fangatahan’ireo Ben’ny tanΓ na any amin’ireo Kaominina mandrafitra ny Distrikan’i Manjakandriana, dia nikarakara 𝕋𝔸𝔾ℕ𝔸𝕄𝔸ℝ𝕆 fanatsarana sy fanarenana fotodrafitr’asa any ifotony ny Minisiteran’ny Serasera sy ny Kolontsaina.
Niampy fampitaovana maro toy ny jiro sy farafara ary kojakoja ho an’ny hopitaly sy lamba firakotra koa, avy amin-dRamatoa Minisitra 𝕃𝕒𝕝𝕒π•₯π•šπ•’π•Ÿπ•’ ℝ𝔸𝕂𝕆𝕋𝕆ℕ𝔻ℝ𝔸℀𝔸𝔽𝕐 𝔸ℕ𝔻ℝ𝕀𝔸𝕋𝕆ℕ𝔾𝔸ℝ𝕀𝕍𝕆.

Araka ny tetiandro efa napetraka, dia notanterahina omaly Zoma 15 Jolay ny anjaran’ny Kaominina AMBOHITRONY ANDRIAMPAMAKY, izay andiany faha-7 tanterahina anatin’ny Distrika. Ny Biraon’ny kaominina sy ny tranobe fanaovam-pety no natsaraina sy nolokoina ka tontosa androany ny asa.

Nifamotoana teto an-toerana nanatanteraka izany ny ekipan’ny Minisiteran’ny Serasera sy Kolontsaina notarihin’Andriamatoa Talen’ny Kabinetra.

Naneho ny fahafahampony avokoa ireo tompon’andraikitra sy olom-boafidy aty an-toerana, izay samy nanambara fa ankoatra ireo foto-drafitrasam-bahoaka voajary, dia eo ihany koa ny voka-tsoa nentin’ny lΓ lan-tsaina TAGNAMARO izay efa ampiharina amin’ny sehatra hafa izay mamerina ny soatoavina firaisan-kina sy fifanomezan-tΓ nana.

Hafatra avy amin-dRamatoa Minisitra Lalatiana Rakotondrazafy ANDRIATONGARIVO ho an’ireo tompon’andraikitra aty ifotony, ny mba hanohizana izao fiaraha-misalahy izao hatrany.

Efa hita taratra moa izany, toy ny ataon’ireo Ben’ny tanΓ na mifanolo-bodirindrina izay miara-mifanome tΓ nana isaky ny hetsika Tagnamaro karakaraina.