NAVOAKA BOKY NY SANGAN’ASA ยซย ๐™‰๐™” ๐˜ฟ๐™„๐˜ผ๐™ˆ๐™‹๐™€๐™‰๐™„๐™‰’๐™ž ๐˜ฝ๐˜ผ๐™Š ๐™๐™‡๐™Š๐™๐™„๐™‰๐™€ ๐™‚๐™€๐™‰๐™๐™„๐™‡๐™‡๐™€๐™Ž๐™Ž๐™€ย ยป

Fotoan-dehibe nampihetsipo sy nandraisana lesom-piainana ity nokarakarain’ny Minisiteran’ny Serasera sy ny Kolontsaina ho fakolezam-boninahitra an’i bebe BAO FLORINE fantatra amin’ny anaram-panoratana FANILONIHABAKABAKA androany ity.

ยซย ๐‘ต๐’š ๐’…๐’Š๐’‚๐’Ž-๐’‘๐’†๐’๐’Š๐’’๐’Š ๐‘ฉ๐‘จ๐‘ถ ๐‘ญ๐’๐’๐’“๐’Š๐’๐’† ๐‘ฎ๐’†๐’๐’•๐’Š๐’๐’๐’†๐’”๐’”๐’†ย ยปย ยป no lohatenin’ny bokiny izay natolotra androany ka Ramatoa Minisitra Lalatiana Rakotondrazafy ANDRIATONGARIVO no nandray an-tร nana manontolo ny fanontana azy.

Nampihetsipo ny maro satria mafy ny lalam-piainana nizoran’i BEBE BAO Florine, miara-miaiky izany ny fanehoan-kevitry ny olona maro taorian’ny nanapariahan’i Noasy Mamela ilay horonan-tsary nifampitafany taminy tamin’ny tambajotran- tserasera herinandro vitsivitsy lasa izay. Ho fanohanana azy dia raisin’ny Minisiteran’ny serasera sy ny Kolontsaina ho adidy ny manampy azy amin’ny fanaovana izao hetsika izao mba hitoetra ho kanton’ny literatiora malagasy ny asan’ny sainy sy ny famoronany.

Teo amin’ny araben’ny Fahaleovantena manoloana ny Ivokolo Analakely no natao ny lanonana tsotra nefa manan-danja ho fankasitrahana an’ i Bebe Florine noho ny herim-po sy herin-tsaina ary fikirizana nasehony nandritra izay 83 taona niainany izay.

Ankoatra ny fampahafantarana ny boky, dia notolorana mari-boninahitra ยซย officier de l’ordre nationalย ยป sy ย ยป commandeur de l’ordre des arts, des lettres, et de la cultureย ยป koa i Ramatoa BAO Florine tamin’ity anio ity.

Olona fanao filamatra sady fitaratra ho an’ny tanora mantsy i Bebe Florine, raha ny ezaka nataony, ny fitiavany ny fahalalana, ny fikoloany tenin-drazantsika, ny fahafehezany ny tenim-pirenena hafa ary ny hatsaram-panahiny. Ilaina amin’ny fanorenana firenena vanona sy vonona ny fananana olona maro manana toe-tsaina tahaka azy. Naneho ny hafaliany izy nandritra ny lanonana ary niantsa tononkalo iray amin’ny teny malagasy, iray amin’ny teny frantsay sady nandihy tsapiky. Hita Taratra amin’ny asa sorany sy ny teniny fa vehivavy mahery sady manana toe-tsaina miabo i Bebe Florine.

Anisan’ny hafatra maromaro nentin-dRamatoa Minisitry ny Serasera sy ny Kolontsaina ny hoe:

– Modelin’ny fiezahana, modelin’ny fikarohana ny fahalalana ankapobeny no modelin’ny fiahavanana i bebe BAO Florine;

– Tokony hampiasaina amin’ny zavatra tsara toy izao fampahafantarana ny tantarany izao ny tambajotran-tserasera mba hifanampiana, hifampizarana soa sy hifanavotana.

An’arivony ny olona nanotrona an’i Bebe Florine tamin’ity androany ity. Hatramin’ny mitataovovonana no nilahatra ny olona an-jatony naniry hividy boky sy haka sary miaraka aminy. Afaka niresaka mivantana taminy ireo izay nividy izany androany no sady nanana tombony satria nahazo ny sora-tanany koa tamin’ny alalan’ny rango-pahatsiarovana na ยซย dรฉdicaceย ยป. Amidy 15 000 ar ity boky ary atolotry ny Minisitera sy Ramatoa Minisitra ho azy manontolo ny vidin’ny boky rehetra izay efa natonta, sy ny mbola hatonta manaraka ihany koa.

Ampandrenesina ireo rehetra tsy afaka nanatrika androany, na koa ireo any amin’ny faritra sy ny any ivelany, fa mbola azo jifaina eo aminโ€™ny ยซย Librairie de rรฉfรฉrenceย ยป ao amin’ny Ivokolo Analakely sy eny aminโ€™ny Tranombokimpirenena Anosy ary any amin’ny biraon’ny Fitaleavam-Paritry ny Serasera sy ny Kolontsaina atsy ho atsy ity sanganasan’i BEBE BAO FLORINE ยซย GENTILLESSEย ยป ity.

Mirary soa ho azy hatrany ny Minisiteran’ny Serasera sy ny Kolontsaina.