TAGNAMARO MAHATSIATRA AMBONY
Distrika Fianarantsoa I
Tontosa soa aman-tsara ny andron’ity Sabotsy 21 Janoary 2023 maraina teo ity, ny hetsika ara-kolontsaina » Tagnamaro – Andron’ny Olompirenena – Volana Janoary 2023 » izay teo ambany fitarihan’ny Fitaleavam-paritry ny Serasera sy ny Kolontsaina Matsiatra Ambony sy ireo sampan-draham-panjakana (Sivily sy miaramila) ary niarahana nanatontosana ihany koa tamin’ny EKAR – Diosezy Sahalava Fianarantsoa.
Fanasosohana zana-kazo sy fanadiovana ny tontolo manodidina ireo hazo mitsiry, efa novolena tamin’ny roa taona lasa, no natao nandritra izany hetsika ara-kolontsaina » Tagnamaro Andron’ny Olompirenena » izany.
Na teo aza ny toetr’andro vokatry ny akon’ny andro ratsy, dia tonga navitrika hatrany ny olona nasaina, indrindra ny tao amin’ny Fitaleavam-paritry ny Tontolo Iainana sy ny Fampandrosoana Lovain-jafy Matsiatra Ambony, ireo Mpitandro filaminana ato Matsiatra Ambony (Miaramila, Zandary ary ry zareo ao amin’ny Polisim-pirenena).
Tanteraka hatrany tokoa, ilay lalan-tsain’ny » Tagnamaro » ankehitriny ny hoe : » Apetraho ny dian-tànanao, ho lovain’ny taranaka « , ka » Ho tontolo maitso sy ho rakotr’ala » tokoa anie ity Nosintsika ity.
