FAMPIROBOROBOANA NY SEHATRY NY DIHY: HISY FANOLORANA VATSIM-PIANARANA SY FIKARAKARANA « FESTIVAL » LEHIBE

Ankoatry ny maha ao anatin’ny sehatry ny kolontsaina ary koa fitaizam-batana azy, ny DIHY dia fitaovana iray hanehoan-kevitra sy hampitàna hafatra ary anabeazana ihany koa.

Nomarihana omaly 01 Mey tetsy amin’ny Ivokolo Analakely ny 𝑨𝒏𝒅𝒓𝒐 𝒊𝒓𝒂𝒊𝒔𝒂𝒎-𝒑𝒊𝒓𝒆𝒏𝒆𝒏𝒂 𝒉𝒐 𝒂𝒏’𝒏𝒚 𝒅𝒊𝒉𝒚 ka tarika manodidina ny 40 no namaly Minisitera tamin’ny alàlan’ny ny antson’ny nataon’ny OFNAC na Office National des Arts et de la Culture.

Nifandimby niaka-tsehatra tetsy amin’ny IVOKOLO ireo mpikatroka rehetra amin’ny dihy (danse urbaine na dihy antanan-dehibe, danse traditionnelle na vako-drazana, danse moderne na dihy maoderina…).

Izany dia entina hanosehana sy hampahafantarana ny daholobe fa manan-talenta amin’ny dihy ny malagasy ary mahasarika tanora sy ankizy maro ity sehatra ity.

Isan’ireo fandaharan’asa lehibe notanterahin’ny Minisiteran’ny Serasera sy ny Kolontsaina mba hanomezan-danja ny sehatry ny dihy, ny fananganana ivon-toerana ahafahan’ireo mpanakanto miaka-tsehatra mampahafantatra ny talentany.
Ka natsangana ao amin’ny Ivokolo Analakely ny efitrano Charles RAVALOSON, izay natokana ho an’ny teatra sy ho an’ny fampisehoana dihy.

Natsangana koa ny Akademia ANAC na Académie Nationale des Arts et de la Culture, izay ivon-toerana anofanana sy itaizana ireo tanora manan-talenta amin’ny tontolon’ny hira, fitendrena zava-maneno fa indrindra ny dihy.

Mitohy ny ezaka fanampiana ireo tanora manana ny fahaiza-manaony. Hapetraka ny fandaharan’asa fitiliana sy fifantenana ireo tena mendrika indrindra ary hampisitrahina vatsim-pianarana manokana eo anivon’ny ANAC izy ireo, mba ahafahany miditra tanteraka amin’ny sehatra matihanina.

Mifanindran-dàlana amin’izany koa ny fikarakarana tsy ho ela ny hetsika « Festival » lehibe hanomezana sehatra ireo mpandihy malagasy.

#JID_2023

#OFNAC