𝘼𝙏𝙍𝙄𝙆𝘼𝙎𝘼 𝙎𝙔 𝙁𝘼𝙈𝙋𝙄𝙊𝙁𝘼𝙉𝘼𝙉𝘼 𝙃𝙊 𝙁𝙄𝘼𝙍𝙊𝙑𝘼𝙉𝘼 𝙉𝙔 𝙑𝙊𝙃𝙄𝙏𝙍𝘼 𝘼𝙈𝘽𝙊𝙃𝙄𝙈𝘼𝙉𝙂𝘼, 31 𝙅𝙖𝙣𝙤𝙖𝙧𝙮 2024 

Ho fampiharana ny politikam-pirenena momba ny Kolontsaina sy ho fanatanterahana ny drafitrasa mandavan-taona, ny Minisiteran’ny Serasera sy ny Kolontsaina, amin’ny alalan’ny Ofisy mitantana ny Vohitra Ambohimanga na ny (OSCAR) sy ny BAP (Brigade Anti-Piratage) dia nanatanteraka atrikasa sy fampiofanana ho an’ireo mpiasa mba ho fiaravona ny vohitra Ambohimanga ary ho fampitomboana ny ambaindain’ny fahaiza-manaon’izy ireo.

Araka ny didim-panjakana nanorenana ny Brigade Anti-Piratage moa dia andraikiny ny misahana ny fiarovana ny harembakom-pirenena. Ny traikefa azo avy amin’ny fampiofanana no antoka hoentin’ny mpiasa hapariaka eny an’ivon’ny fiaraha-monina.

Ny OSCAR kosa no rantsa-mangaika eo an’ivon’ny Minisitera MSK mitantana sy miaro ary mikajy ny Vohitra Ambohimanga, izay Harembakoka Iraisan’izao tontolo izao (Patrimoine mondial culturel de l’UNESO).