IRAY VOLAN’NY SARY HOSODOKO faritra MAHATSIATRA AMBONY
» Iray Volan’ny Sary Hosodoko » (Andiany voalohany – Talata 12 Jolay 2022 – Sabotsy 16 Jolay 2022).
Tontosa soa aman-tsara ny hetsika ara-kolontsaina ho fankalazàna ny » Iray Volan’ny Sary Hosodoko » tato amin’ny Faritra Matsiatra Ambony, ny Talata 12 Jolay 2022 maraina izay teo ambany fitarihan’ny Fitaleavam-paritry ny Serasera sy ny Kolontsaina Matsiatra Ambony.
Notronon’ireo solontenam-panjakana tao an-toerana (Lefitry ny Préfet de Fianarantsoa, ny Talem-paritry ny Asa tanana sy Haitao…), ary notronon’ireo Fikambanana maro mpanao hosodoko ato Matsiatra Ambony.
Toerana: Tranoben’ny Serasera sy ny Kolontsaina SOKELA HANIGNA ao Ambatomena (Auditorium Horija sy tao ao amin’ny efitrano malalaka fampirantiana hosodoko).
FAMPIRANTIANA:
Andiany voalohany: Talata 12 Jolay 2022 hatramin’ny Sabotsy 16 Jolay 2022
Ireto ny mpahay sary hosodoko hampiranty ny sangan’asany voalohany:
– Création 09/Art and Disign.
– N’Art Paul.
Andiany faharoa: ny mpahay Hosodoko sokajy faharoa indray no hanohy ny Alatsinainy 18 Jolay 2022 ka hatramin’ny Sabotsy 23 Jolay 2022.
Mahavelom-bolo tokoa fa tonga marobe ny olona nentanina hitsidika an’ity hetsika ity.
Antenaina ho maro ny fifanaraham-barotra ho azon’ireto mpanakanto.
