» 𝑵𝒐𝒔𝒚 𝑴𝒂𝒐𝒓𝒊𝒔𝒚: 𝒎𝒂𝒕𝒐𝒕𝒓𝒂 𝒔𝒚 𝒎𝒂𝒉𝒂𝒗𝒆𝒍𝒐𝒎𝒃𝒐𝒍𝒐 𝒏𝒚 𝒇𝒊𝒂𝒓𝒂𝒉𝒂-𝒎𝒊𝒂𝒔𝒂 𝒆𝒐 𝒂𝒎𝒊𝒏’𝒏𝒚 𝒔𝒆𝒉𝒂𝒕𝒓𝒚 𝒏𝒚 𝒌𝒐𝒍𝒐𝒏𝒕𝒔𝒂𝒊𝒏𝒂 «  

Mivelatra amin’ny sehatra maro ny fifandraisan’i Madagasikara sy Maorisy ary manan-danja ny fifandraisana ara- tantara sy ara-kolontsaina. Isan’ny lahadiniky ny roa tonta ny fanavaozana sy fanaovantsonia ny drafitra mamaritra ny fiaraha-miasa momba ny kolontsaina eo amin’ny firenena roa tonta, izay hotanterahina tsy ho ela ary hanamora ny fifanakalozana sy ny fifaneraserana eo amin’ny artista malagasy sy maorisiana.

Hanombohana sahady izany fanavaozam-piaraha-miasa izany dia hanatanteraka hetsika iombonana ny ministeran’ny Serasera sy ny Kolontsaina sy ny masoivohon’ny Maorisy ny tapaky ny volana aprily izao, ho fahatsiarovana ny 𝒎𝒑𝒂𝒏𝒋𝒂𝒌𝒂 𝑴𝒂𝒍𝒂𝒈𝒂𝒔𝒚 𝑹𝒂𝒕𝒔𝒊𝒕𝒂𝒏𝒕𝒂𝒏𝒊𝒏𝒂, izay nalefa sesitany tany Maorisy ary nitari-tolona nanohitra ny fanandevozana sy ny fanjanahantany 202 taona lasa izao.

Tafiditra ao anatin’ny tantaran’ny nosy Maorisy ny Mpanjaka Ratsitantanina ary manaporofo izany ny fisian’ireo toerana mitondra ny anarany any antoerana. Tompon’izany tantara izany ihany koa isika Malagasy hoy ny minisitry ny Kolontsaina sy ny Serasera, antony hanatanterahana io hetsika io eto Madagasikara ho fahatsiarovana azy sy ho fampahafantarana ny momba azy amin’ny vahoaka Malagasy.

Nodinihina nandritra ity fihaonana ity ihany koa ny fomba hanataterahana ireo lahadinika samihafa noresahan’ny filoha Andry Rajoelina tamin’ny Praiminisitra maorisiana nandritra ny fihaonana antampon’ny Vondrona afrikana tany Addis Abeba farany teo.